流水賬…..廢話一篇。

今早食完早餐，博愛睇中醫（百二蚊五日藥），地鐵過海，會展站行去合和。

上午約十時半到達17樓遞交領展供股申請表格(因為上次妹妹們的支票抬頭有錯,更改後今天再次遞交)．供股截止還剩下一天半時間, 開始見到較多人排隊繳交表格．

明天四時截止後，應有些人姍姍來遲一步而望門興嘆！

根據2021年3月尾領展持有人登記冊，已登記單位基金持有人數目21,640(中央結算為單一最大登記持有人），理論上有21,639人實物持有領展，有10天時間遞交有關文件及支票，即平均每天有2,163人交表。

灣仔搭船返尖沙咀，廣東道LV門口見人龍，即刻想起1997(利申無貨)。

行到去油麻地紅磚屋，見到本地旅行團。

見到市面應該漸漸回復正常，心情較為愉快！

下午同朋友飲完茶，收市後睇睇先發覺今天上落這麼多😱。

恒指收市, 一萬九千點.

今早上午11時半，恒指跌幅最多跌530點 ，見18988，去年12月20日以來三個月低位，滙控(00005)及友邦(01299)捱沽；

瑞銀咁嘅環境，銀行股見一個月新低, 好正常．

好彩早排走咗啲恒生！

睇最返今日低位，對友邦，華潤置地，中移動有興趣，

可惜，今天外出冇留意，三月又未收齊派息，冇子彈入貨。

恆指低位時間是下午三點左右。

避險情緒下，二時後跌勢轉急，恒指曾瀉689點，見18829，2022年12月7日以來新低

萬一First Republic Bank (FRC-US)救唔到，香港銀行有排跌。