肥雞餐
有一位朋友在保險公司工作接近二十年，近日食肥雞餐，由入職開始公司股票買二送一，淨係股票福利隻豉油雞，都好肥美！
但公司規定離職便要出售公司股票，問題是賣咗貨，啲錢又應該點投資？
他投資經驗相對較少，要求穩陣，暫時最簡單應是分批分不同時間去不同銀行做定期（每家成員銀行每位存款人五十萬保障額 https://www.dps.org.hk/)。
同這位朋友吃完晚飯，回家後，我反問自己又會把資金放到哪裏？
個人考慮，有良好派息紀錄，行業中的領頭羊，應該唔會執笠！
直覺我就揀咗以下幾隻，中電，匯控，新鴻基，長江基建，中石油，友邦，建設銀行，領展，中移動，中銀香港。
主要原因如下：－
- 中電，電力一定有需求，轉嫁成本能力高，派息多少就另一回事。
- 匯控，環球銀行，如無記錯外幣交易世界前幾位，明年應有因出售加拿大業務的特別股息US$0.21。
- 新鴻基，買樓首選新鴻基，商場／酒店租金收入也不少。
- 長江基建，全世界都有少少基建項目，夠分散，派息年年略有增加。
- 中石油，阿爺有份，如有錢賺分啲俾阿爺，一定有息收，問題是多少？
- 友邦，有賣貴🤑，冇買錯🤔，成交量大，好彩一年走兩轉！
- 建行，現價高息，長線問題不大。
- 領展，剛供完股，租金收入九成派息。
- 中移動，取實物不用繳交10 ％股息稅，收到足！
- 中銀香港，現價吸引，香港人民幣業務的唯一清算行（獨市生意）。
復活節假期前恒生指數…20331.20
恆指收市
盈富基金收 20.54
以下是盈富基金不同時間的圖表。
1Year
3 Year
5 Year
10 Year
15 Year
如參考中間價位，現時盈富基金略低於多年來中間位，買入贏輸機會率一半一半。
假設動用一百萬港元購入以下10隻股票，十年內每次派息再購入相關股票，即這筆錢每次再投資所得平均年息5.8125%，是否可以接受？
如銀行同你講，今日放低100個，十年後回水160個，60%增長，大部份人可能以經＂落咗搭＂（但有幾多人真正明白那A 4紙上保證回報／非保證回報背後的意義）
如果單日上升5%以上，應考慮先收錢，返轉頭再買過。
（船長要看風駛艃，船先可以去得更遠）
（紅色字是已扣除10 ％股息稅的派息）
這10隻股票過往十多年來相對比較之下成績又如何？
比對上，友邦保險和中銀香港跑出，假設10年後這10隻股票整體股價的平均數也有出差不多的增長，就算打個七折，增長應該多過5.8125%。
當年，都係食咗一次肥雞餐，還清mortgage，然後去思考投資
ReplyDelete