恒生 vs 領展 - 換貨

今天的流水帳…（第一次學人寫流水帳😅）

想入貨多天，但無錢，老人家手腳慢，打招呼無人理，打劫怕俾人捉，又找不到寂寞的心，攝高床板諗幾晚，思緒起伏，突然醒起，還有要減磅的恒生，近期好似升返＄12X 以上。

恒生昨天收$125.9，今早坐低，叫個$40早餐，9:45📞問問恒生乜嘢價，125.7.  / 125.5.    想咗半秒，寧願收少千多元，$125.5直沽。 收市價$122.9  , 數字上每股收多$2.6 ( $125.5 - $122.9)。

去土瓜灣寶馬簽文件及放低💸，茶餐廳食個午飯，土瓜灣步行返旺角，去銀行過數。

下午三點三回到家中，見到領展$56.1 ， 排 $56，一分鐘後電話響＂入齊＂，收市價＄56.1，唔計使費有一毫子執（計埋使費當然蝕本）。前天收市價$56.5,  今日高低位 $57.1 : $55.9。

領展，21 Nov 2022（星期一） 除淨 ，趕唔切提貨，通知證券行星期五做SI, 放返入去中央結算。

$56 的領展，唔算好平，亦唔算貴。12月31號收息，$1.5551，即係45天定期。

餘下的一半資金，考慮加注中電，但近日中電升幅太高，睇定啲先。

下半年第15注 領展 $56 (領展 - 蝕本貨💰)

資料來源

EJFQ