壬寅年由正常家庭轉變成為單親家庭，上星期幾兄妹再變成超齡孤兒。
除咗國內還有位八十多歲的二叔之外，自己忽然變成家中＂長老＂。
另我想起李白以下幾句詩詞°
棄我去者，昨日之日不可留；
亂我心者，今日之日多煩憂…
抽刀斷水水更流，舉杯銷愁愁更愁。
膊頭上半邊的擔挑斷下來，突然間有少少迷失方向，不知時日，只知道此生在沒有機會和長輩談天說地，討論政治，分享佳餚，研究經濟，分析投資…..等等議題。
星期日兄妹數人一起飲茶說笑，發覺大家突然間變成超齡孤兒（保良局一定唔收，排隊去東華三院啲老人院就差唔多😅），最細嗰個都有老花，幾兄妹夾埋多過二百歲，隨時老人院都唔收。
另外…父母在，不遠遊。遊必有方。
要開始思想下人生真正下半場，六個月內要做什麼？一年目標？五年目標？十年目標？十五年目標？如果有八十歲命又應如何安排？
是否需要預先學習各類型新科技（十年後可能有飛行輪椅）？
幾時要放定個AirTag 喺身（方便人哋搵到在山中凍僵的我）？
首先要開始慢慢閱讀＂IN CASE YOU GET HIT BY A BUS ＂這本書，然後寫個 Check list比自己，整理吓人生。
例如信仰(暫時冇)，如信奉回教，一日拜神三次，一年齋戒一個月，有冇機會搵多三個幫手🥰😘😍
幾時開始練返車？要踩 Zone2 or Zone3去練體能？一年後初一大冷能否十時前到達鹿頸？ 首先去訂架頂級公路車，感受下12速電子轉波(正所謂輸人都唔好輸件😅)。
玩三鐵已經有心無力。
究竟仲有冇足夠體力踩川藏線？年紀大機器壞，體力不斷下降，要想想另類方案， 坐高鐵定租架車去拉薩？
幾時去呼和浩特草原上品嘗當地烤全羊？
雖然台灣東進和西進武嶺多年前已經踩咗，可以再約車友去踩多幾次。
十年後可以回饋社會多少?
(其實心裏有個大數, 達標後會出聲)
年近歲晚，天氣寒冷🥶，都係早啲去搵周公首先傾吓五年計劃😴😴😴
最後都係嗰幾句...
祝各位新年快樂，身體健康。
一年四季行好運，八方財寶進家門。
No comments:
Post a Comment