新鴻基 - 全年派息 $4.95

新鴻基末期息維持$3.7，全年派息 $4.95，今年收新地派息夠過活，近憂解決，遠慮未除！

新地話搵食艱難，講到明需要改變派息政策，分派基礎溢利從以往的60%減少去到40%至50%為股息。

新地除咗物業銷售之外，有商場，酒店，電訊（數碼通），運輸（載通國際）新意網等。因此新地有頗多香港日常經濟運作數據用來分析，如果新地都要話睇餸食飯，未來三到五大家都要收緊褲頭帶，慳啲使。

黑雨冇市，唯有同自己做過壓力測試／風險評估。

1 ／最差情況，好似早幾年匯豐銀行不派息，手上其他股票派息所得能否過活／養家？

　   還可以，多餘支出要減少／減慢（更換物業時間要推遲）。

　   

2 ／如每年收息總額，下跌50%，會否影響日常生活？

        不會，飲茶食飯，行善，經濟客位旅行，如常進行。

3 ／非專業角度估計未來新鴻基派息變化，起碼心裏有個數，到時不會心慌慌。

3 A ／假設每股盈利不變（一定唔會發生，變幻才是永恆，歌仔都有得唱），派息比例減少，每股會少收幾多利息？

假設每股盈利不變$8.25，派息比例降至40%，每股派息只有$ 3.3 ，以9月8日收市價計$88.3，股息收益率只有3.74%。   銀債有5%，  計返轉頭，$3.74/5%=$74.8，隨時下跌$13.5

3 B /   再假設，每股盈利下跌（10 -50%)，每股派息會有幾多？

萬一個市真係好差，每股盈利只有過往一半，分派基礎溢利減少到40 ％，派息只有$1.65，如派息收益率保持5%，那麼股價可能只有$33 (1.65/5%)。

應該點做？

未轉實貨的新鴻基去年12月已經接近全數沽清，改購入中電，因之前新地University Hill價單已經在開始走貨。

約一個多月前本港報紙見到新鴻基國內樓宇廣告，更覺不妙，但股價當時已回落不少，走大貨時機已失，資金回籠之後又不知怎樣抉擇？

手上實貨，唯有以不變應萬變，繼續持有，新鴻基的收入可以說代表香港整體民生經濟情況，佢都睇唔好，各地產商也會更積極散貨，大家應該心裏有數。

暫時有末期息頂住，應該唔會大跌，派完未期股息，經濟冇起色，老太唔出手，年底前低過$80都有可能。

黑雨過後先會有晴天！