保障計劃討論

• <一生人最怕....>的笑話而產生有關保障計劃討論．🧯

 承蒙Simon師兄以下留言…

第一種情況, 即係叫人要計好退休位, 選擇最好既位行樂

第二種情況, 太長命搞到爆倉某程度上都有兩種情況, 財務上處理方式:

- 健康唔好就醫保之類cover (但其實年紀大已無得保, 除非早年儲蓄保, 但肯定早年比得好貴保費)

- 健康太好就年金 (呢個係驚抗唔到通脹, 年金無抗通脹既)

師兄覺得保險呢樣野點樣? 我一直對保險呢樣野感到困惑, 覺得其實慳, 用少錢少物質達到高度滿足感係比較可取。

小學🐣真是不知怎樣回覆Simon 師兄問題。

容許我把問題稍為改變,   變成購買滅火筒問題?

• 家中是否需要添置滅火筒?
• 買幾多個先夠?
• 滅火筒容量大細?
• 粉劑或液體泡沫?
• 是否需要買條膠水喉作為後備?

滅火筒有時間限制,  到時到候要更換新的滅火筒(同 Term Insurance 一樣)．

其實只有住戶先知道真正需要！

• 有否在家煮食?
• 明火/電磁爐?
• 間屋有幾大?
• 樓下是否火鍋店?

例如某著名女星飛鵝山間屋都可以燒到七彩...重新裝修之後每間房應放有多少滅火筒或是所有房間也要安裝消防灑水系統?

只有該位女士先知道下次裝修的防火需要。

另外間接認識一位喜歡運動的律師，每逢放假就行山(麥理浩徑通走級數)或踩單車(每次一百公里距離)，年前一天，他女兒面書發文， 說爸爸突然一睡不醒。

明天會否睡醒? 

只有天知，自己不能控制。

我想講是"人生無常，今日唔知聽日事"。

可以做的只是活在今天。

以下是純粹個人意見，家家有本難念的經，自己考慮清楚實際需要，再加上保險/年金是一個極長遠投資！

保險..

保險我有買（銀碼不大），落咗地獄，先有錢收，即係我冇份用😭。

另一半, 因家族史有癌症, 有買危疾, 唔死都有得收．萬一(你明的)... 可以搵過第二個🤫

保險同年齡有極大關係，越早越平，20歲仔，可能一千幾百賠返一百幾十萬（回報最高），受益人應是父母，父母年紀漸長，慢慢失去工作能力，萬一我走先，點算？

當年齡增長,  開始明白自己性格／儲蓄及搵錢能力，工作範疇上能否錢搵錢？

（多年前澳門疊碼仔可以搵好多錢，如果洗腳唔抹腳，搵幾多都係假）

年金..

萬一我選擇年金（一定發咗瘟，黐Q咗線），唯一考慮是自己耳仔軟及有一顆寂寞的心，擔心臨老入花叢，唔知幾時一個電話就把一生血汗錢轉去第三者戶口。  如把一部份資產轉成年金，長遠有少少保障，就算敗家仔去移民，都唔會咁容易攞咗老竇啲棺材本（今時今日應該是買骨灰龕）。 

但正如我之前曾經分享過, 股票實物(無人能取走, 擔心就放埋入保險箱), 派息所得就是我的自制年金，當中亦有好多考慮，例如現時內銀相對派息較高，人民幣需求不斷增加，估計長遠相對美元會升值，港紙現時同美元掛鉤，萬一美元貶值，都叫做有個另類保險，所以我把一部份資金放入去內銀，長線收息，衰極都有個譜！

錢..

有信心的話，錢(投資)一定自己管理，回報率應該較儲蓄保險／年金高。

問題是個人理財能力。

我認為要考慮以下幾點．

• 分析能力 : 是否可以從不同大小事件中找到整體方向?
• 執行能力 : 分析完又見到機會， 能否立即執行?
• 個人自律 : 有錢，會否身痕去不停購買心頭好(名錶／名車／包二奶😍🤫)？
• 投資膽色 : 幾會來臨時，會否不怕風浪去用大注碼投資?  

            (如去年十月大跌市， 會否動用手上90+%資金下注?)

大部份人只要聽銀行經理講完一兩個鐘產品推銷，再睇幾張A 4圖表上的數目字，然後就轉數，五十萬／一百萬給銀行購買基金或年金，之後毎半年約見戶口經理，傾吓回報，可能又再加注。

但不是太多人夠膽一次用一百萬去購入單一隻股票或購入盈富基金，理論上也是從戶口取走同一銀碼進行投資，但心理上這是完全兩回事。

以上愚人之見， 希望對閣下投資有另類啟發。

（以上絕對不是任何投資建議，極有可能是一個龐氏騙局）

後記…

另外今天出席某本地銀行的香港股東非正式會議，股東發問環節，有一位卓越理財客戶（當然也是股東）投訴年金是一個陷阱（因為有購買），建議有關方面不要推薦給客人，特別是退休人士，他說作為一間知名的銀行應該知道怎樣服務顧客，不一定需要賺好多好多好多錢，他投訴無門之下，今日前來股東大會申訴，希望有一個正面答覆，他最不想去金融管理局投訴該銀行，身為股東，不希望把這些醜聞公開，說這銀行是老千，你賺得我幾多錢？

個人認為，某些角度之下，卓越理財客戶最少有一球，如果戶口經理講多兩句就購入年金，通常老人家耳仔軟，年紀大分析力減弱，但長遠啲錢喺銀行慢慢搣（打開門口做生意，當然要賺錢，如果唔係邊有息派俾股東），對他來說可能是一個錯誤投資，但不是太錯的選擇，好過遇到電話騙財失去一切！

環保袋一個

出院手帶一條，離開時，憑手帶取東華三院社企曲奇一盒。

也有多位股東發言要求分拆本港業務，主因是有一年沒有派息，大部份老人家耳仔軟，為咗追返一年冇派利息，同意劏咗隻開始再次生蛋（隻🥚細咗）的鵝。