愛心滿東華 - 2026

📍 昨晚（9月5號星期六），依舊與一班好友同行，前往灣仔會展舊翼會議廳，出席東華三院的『愛心滿東華』免費醫療服務捐助計劃暨慈善晚會，共襄盛舉。

💰 講返正題，呢個計劃今年已經連續第十年獲得「信善紫闕玄觀‧信善恩惠慈善基金」冠名贊助。聽大會講，而家社會人口老化、慢性病增加，東華在 2025 年度的實際相關醫療開支已經達到 5,800 萬港元，而今年（2026年）的預算更進一步增加到接近 6,200 萬港元。基層基數大，醫療需求真係好迫切。

🐥 至於小弟我，今年投資市場雖然波動，但自己算係好彩，總算有些少回報，真係全靠上天眷顧。一直謹記長輩「得諸社會，還諸社會」嘅教誨，將部分收益捐返出去，盡點綿力幫助有需要嘅人。施比受更有福，感恩今年能有機會廣結善緣。

🎤 講番晚宴當晚，除咗同老友食餐好嘅，大會安排嘅節目亦非常精彩。今年請咗張衞健做「愛心之星」，仲有方皓玟、林奕匡、伍富橋同埋 IdG Bubbles 做「愛心大使」。淨係聽佢哋唱歌都抵返晒！唔係講笑，我年年都好似為咗睇 show 而去咁（講笑咋，行善先係主菜 🤪）。

**「愛心滿東華」慈善晚會菜單**

前菜：波士頓龍蝦沙律拼鰤魚及黃鰭吞拿凍批配柑橘醬油

（選用本地蔬菜及溫室苗，清新開胃）

湯品：鮮松茸花菇百合菜膽燉南非鮑魚

（傳統中式燉湯，滋補講究）

主菜（二選一）

香煎牛柳 伴芹菜頭薯蓉及牛肝菌，配黑松露甜酒汁

或

香煎智利鱸魚 伴芹菜頭薯蓉及牛肝菌，配黑松露忌廉汁

甜品：伯爵茶豆奶魔芋 伴鮮果、雜莓及柚子凍

（主打素食與低碳理念，健康清爽）

美點：精美小甜點配咖啡或茗茶

晚宴舞台

表演嘉賓

東華三院學校表演嘉賓

愛心大使 : IdG Bubbles

愛心大使 : 方皓玟

愛心大使 : 伍富橋，林奕匡

愛心之星 : 張衛健

「🎁 果然施比受更有福！昨晚我個前世情人（寶貝女）抽到其中一份大獎  POP MART MEGA SPACE MOLLY 400% Stitch (史迪仔)！阿女一出手便知有沒有，全場咁多人偏偏比佢抽中，證明平時聽長輩話、多做善事係有回報嘅。隻 Molly 史迪仔今晚正式進駐阿女房，🐥自己慳啲使唔緊要，最重要是繼續努力賺錢，照顧好今世及前世情人。💸」

🌟 今年總算圓滿，既能與好友聚會，又能為社會基層出一分力。但願明年自己在投資上也能繼續略有進帳，讓這份小小的善心可以年年延續，繼續回饋社會。