中芯國際(981) - 重聚兩天……瀟灑走人。

5月7 號同中芯國際（981）嗰次分手，本來諗住各行各路，暫時不會再見。點知短短11日之後（5月18號），竟然咁快又撞返佢——唔係，係佢主動減咗肥😍，見佢成個人輕咗10.09%！我呢個「體重 / 時間」一睇，心諗：瘦咗咁多，口花花，談談情，說說愛🥰... 二話不說，用$68.6嘅「誠意價」同佢再續前緣，諗住慢慢培養感情。

中芯國際(981) - 開心分手

中芯國際 (981) 今次同佢撻著咗個零月，一開始簡直一見鍾情超心動。點知尋日已經意見不合，長痛不如短痛，索性決定斬纜分手，日後有緣再聚。

真係估唔到短短一個月，981身邊已經圍滿一班狂蜂浪蝶，排隊直接到門口等接送。