執鞭之士

Tuesday, February 21, 2023

華潤置地 - 沽 $38

今早華潤置地見$38以上, 立即還原設定．$38 收錢, 等下次．

華潤置地。$ 36購入
(搵到餐下午茶)

Thursday, February 16, 2023

領展供股要幾多$?

領展突然需要供股令到我盡失預算, 2023年部署計劃立即推落鹹水海, 最快三月尾先收到息(中電,恒生,新鴻基), 冇辦法之下, 唯有賣仔又賣女, 決定減持恆生會取現金去供股（有機會再買返，當然要睇日後表現再決定）。

應否供／不供股？

以下是我這個小學🐥都未畢業的傻人理解….

購入領展目的是做收租佬，希望領展每一百萬租金收入（扣除燈油火蠟之後）可以分到幾元。如果今次唔夾錢日後就會分少咗。理論上以前分到$10租金下次只有$ 8.3收入，洗濕咗個頭，冇咩辦法，供股是我唯一選擇，就算唔食早餐都要俾家用，啞仔食黃連，有苦自己知😿

唔打算夾錢，就要記得出售供股權幫補吓。

如果有多餘子彈，對領展$44.2有興趣，應該考慮認供多少少，等幾會賣返出去。

如果手上冇領展，但有零錢，我會考慮購入供股權, 然後供股．

手多又八卦, 睇吓持股變動, 有關人士及機構供股銀碼也幾刺激！

BlackRock 領展供股接近16.88億港紙．

JP Morgan 需要9.2港幣億供股．

睇睇領展股東請返嚟其中兩位夥記．

王國龍如全數認供, 要籌旗 2千9百萬．

王國祥也要籌旗接近6百萬．

高級僱員有壹二百萬現金放銀行，平時去旅行飲茶食飯，但正常應該唔會三千萬現金放銀行，又來小人之心度君子之福，行政總裁應該係問銀行幫手周轉數天或是出售股票籌旗找數/定係供少一千萬🤔

其他有關資訊。

瑞銀發表報告，領展供股料短期對地產股有獲利壓力，並估計低負債地產股短期則會跑贏同業，但續予領展「買入」評級。

報告指出，領展供股集資領市場意外，估計股價會下挫15至26%，並預料每基金單位分派(DPU)及每股資產淨值攤薄15%和7%。

瑞銀又指，領展供股會短期對地產股有獲利壓力，因整體股價自去年11月已飆逾三成，尤其對新世界前景審慎，因淨負債高達74%，遠比其他恒地(00012)、希慎(00014)及嘉里(00683)為高(上述淨負債率為36%至41%)。

不過，瑞銀認為低負債或擁淨現金的地產股會短期跑贏同業，包括新地(00016)、太古地產(01972)、長實(01113)及信置(00083)。

該行維持領展「買入」評級不變，12個月目標價續予71元。

Tuesday, February 14, 2023

地產及收租股 - 領展以外的選擇。

領展＂五供一＂走唔甩，從地產及收租股分類一看，相對之下領展長期借款股本比率略高，以每次派息派九成計（收入九成給家用，煮飯湊仔，一腳踢，無私己錢洗都好正常）。

領展（823）派息比率92.8%，股息率5.6%，長期借款股本比率27.1%

其實領展之外，仲有冇其他選擇？

長實集團（ 1113）派息比率38.1%，股息率4.4%，長期借貸股本比比率19.5%

新鴻基（ 16 ）派息比率56.1%，股息率4.5%，長期借貸股本比比率18.1%

太古地產（1971）派息比率78%，股息率4.5%，長期借貸股本比率5.5%

信和置業（ 83）派息比率75%，股息率5.5%，長期借貸股本比率0.6 ％

長實，派息比率睇，應該大把錢喺手。

新鴻基，夠大隻三千幾億市值。

太古地產都有未來10年投放一千億元於核心市場業務計劃，如果每年問股東取 50億幫手，就算10年後有大收成，到時我可能已經上咗西天，有福冇命享。

信和接近，冇欠人錢，息率同領展差不多。

我申：以上五隻都有貨。

資料來源：EJFQ

北溪管道－ Seymour Hersh

How America Took Out The Nord Stream Pipeline - Seymour Hersh

睇完原有報道，挪威政府表現真是喪權辱國，根據新協議美國政府在當地涉嫌干涉基地工作的挪威公民的管轄權亦包括基地外犯罪的美國士兵。

弱國冇外交，冇錢冇飯食！

In return, the Norwegian government angered liberals and some moderates in its parliament last November by passing the Supplementary Defense Cooperation Agreement (SDCA). Under the new deal, the 作為回報，挪威政府去年 11 月通過了補充防務合作協議 (SDCA)，激怒了議會中的自由派和一些溫和派。根據新協議，美國法律體係將在北方的某些“U.S. legal system would have jurisdiction in certain “agreed areas約定區域”對被指控在基地外犯罪的美國士兵以及被指控或涉嫌干涉基地工作的挪威公民擁有管轄權。” in the North over American soldiers accused of crimes off base, as well as over those Norwegian citizens accused or suspected of interfering with the work at the base.

另外，有關報道非常詳細，時間，人物，地點，值得一看。

萬一有更多證據浮面，會否進一步增加大國戰爭危機？

美國直接炸毁俄羅斯連接德國天然管道，如果俄羅斯返轉頭又炸毁其他嘢….

美國同俄羅斯國擁有數千核彈，傳統武器已經在烏克蘭正面交鋒，再有少少唔妥，整體經濟市場會跌到一仆一碌。

原文Google 翻譯

https://seymourhersh-substack-com.translate.goog/p/how-america-took-out-the-nord-stream?_x_tr_sl=auto&_x_tr_tl=zh-TW&_x_tr_hl=en&_x_tr_pto=wapp

原文

https://seymourhersh.substack.com/p/how-america-took-out-the-nord-stream