阿爺增加貨幣供應，指名其一部份放落去股市，某些人立刻兩眼發光，變晒食人魚，食咗先算！
9月11日，17108.71，（收市）
10月7日，23099.78，（收市）
10月8日，20926.79，（收市）
又真係跌咗接近38. 2 ％，乜鬼嘢黃金比率（小學雞唔識，只係人云亦云）
成交額6204.3 億（歷史新高）。
即係好多人同好多錢繼續衝入去接貨，究竟啲錢喺邊度嚟？散戶應該冇咁大條水喉！
瘦田冇人耕，耕開有人爭。
究竟有幾癲？
上星期四（3-Oct-2024）收市價計的五天升幅，有一隻股票竟然可以超過3000 ％。
大型股，招商證券，五天升幅，174.8%。
中型股，中萬宏源香港，五天升幅，769.4%。
小型股，中國金融投資管理，五天升幅3337.5%。
恒生科技指數，華鴻半導體，五天升幅，68.2%。
今天10月8日星期二，收市恆指大跌2172.99 （-9.4% ）。
大跌市之下有乜嘢股票會上升？
我見到隻，汽車街（第一次見這個名字），31-May-2024先上市，上咗市都未夠五個月。
究竟係乜水？
汽車街成立於2014年，是全國最大的二手車交易服務提供者（以2022年交易量計），也是全國線下拍場數量最多、線下服務地理覆蓋最廣的二手車交易服務提供者。（招銀國際助力汽車街香港IPO發行），汽車街此次全球發行15,000,000股，發行價格為每股10.2港元，總募集金額約1.53億港元。 本次發行香港公開發售超額認購433.34倍。
主要從事二手車收銷安排及提供服務。
作為一家連接二手車買家及賣家的交易媒介，我們主要通過同步拍提供二手車拍賣服務，讓全國各地的二手車買家可以線下參與或通過我們的移動應用程式實時線上參與現場拍賣，同時讓彼等能接觸到二手車資訊及估價。通過我們線上線下一體化的拍賣模式，再加上我們全套增值服務，我們提供端到端、高度標準化及可靠的二手車交易解決方案，幫助賣家（主要是4S店）及買家（主要是專業買家）優化二手車交易流程，提高其二手車業務的效率及盈利能力。於二零二四年五月三十一日，本公司在聯交所主板上市，股份代號為「2443」。
今天單日上升咗$4.76(95.2%) ，收$9.76，如果IPO有貨仲蝕緊本（$ 10.2)。
最奇怪 一個月平均成交額1.59百萬港元，今天成交額3.59億港元，平均成交額的225.79倍
單日上升，95.2%
更離奇最高價$117.1，全日最低價$5.1
二十大成交價位。
有2200股成交價$79以上。
$117有兩單，夾埋1000股，呢條魚餌，計埋都唔使120,000。
全日成交成最大買盤，超過$610,000
全日成交額，最大賣盤超過1,180,000
高價盲目去搶貨啲股東，今晚可能攞住個錘仔揼… （我和春天有個約會）
高價出貨啲古惑仔，收市已經去咗飲酒慶祝，因有傻人接貨。
後記，恆指全日下跌，9.4%，小學🐣條總數下跌4.3%，帳面唔見咗n位數字，冇做槓桿，冇問題，用全年低位計升咗好多，市埸總會有上落，永遠有輸贏，何須介懷？
阿Q精神 …有賭未為輸🤩
No comments:
Post a Comment