Sunday, June 22, 2025

16-Jun-2025(星期一) $6.93 購入，中東戰爭引致超大型油輪租金上升，希望股價有機會升多少少。另根據公司網頁部份新造船隻是項目船，即係客仔有貨運需求，已綁定特定租約先去訂新船，穩陣但無法在現價市場爭取最大回報。

另一部份新船是市場船，租運費是海鮮價，根據下面的律師補充法律意見書內容，未來數年市場需求增加，同時市場上年齡較高的油輪開始退役，整體租金將會上升。

小學雞現時持股組合有運輸業，但並沒有海運業，所以加少少。但因應市場情況，下星期開市，可能立即收錢走人！

人工智能發展需要更多電力進行運算，核電其中選擇之一。

所以2025年第二季購入中港核（1816），分兩次購入，兩次股數不同，平均購入價$2.5539。

1/ 18Mar2025 $2.53

2/ 19May2025 $2.57

6月9日（星期一）除咗購入福壽園（1448），另外購入濰柴動力(2338)和中移動(941)。

中移動加注目的...每一百萬派息裏面小學雞分多幾毫子。

同一天入三隻貨，又要節衣縮食先夠錢找數！

星期一（9 Jun 2025) 購入其中之一是福壽園，購入價 $3.72 ，高風險因為有溢利下降警告，低處未算低（股價七年低，可能再跌三年，跌多足十年）。

這類型的公司始終都要幫襯一次，買少少考下眼光，2025新倉佔比2%，輸晒都係2%，預咗輸晒冇壓力！

老鋪黃金(6181)，上市未夠一年，已經升到去平流層，除非抽中唔記得，新股冇可能擺到今天（升咗n咁多倍）！

領展 - 傳擬將中港以外部分資產新加坡上市。

又到領展全年業績，小學雞消化完領展全年業績及觀看2025年05月27日領展2024-2025年度業績簡報會，同以往一樣睇完／觀看之後一頭霧水😅

只是知道一定有息收（夠錢買二餸飯），每單位派息$1.3745，年度派息$2.723。

2025年第一季，跑輸恒指！