新鴻基 沽 $98.2

 昨天下午約一時，揸緊車，心血來潮，📞「請問新鴻基現價？」

「$98.1 $98.2」

「請幫我排$98.2，沽X股，貨在中央結算戶口，賣出後，再轉貨俾你」

約2分鐘後，電話響，通知賣晒，半小時後登入中央結算，13:45 完成投資者交收指示。

下午高位$99.8，遲半個鐘，可能買到＄99，都係果句「做人唔好咁貪心，留返啲錢俾人賺」！

這批新鴻基三月頭購入，平均價$90.4725， 已收息4.95  ，帳面上每股共進帳$12.6775，前後九個月，有14%利潤，好過定期，先走一半，如果再升多8% ，再走！

過往一年新鴻基主要成交量依次序是$95，$93，$92 ，$90附近，$98以上成交量較少（數量同$87附近差不多）。偏離大眾心目中價位…要有所行動！

• 近日本港樓市太多蝕讓離埸個案，如在港的國內發展商劈價，新鴻基可能好快又跌返落去$90附近。
• 九龍市區太多新樓盤，消化需時。
• 國內生產指數轉弱，出口減少，整體收入減少，搵唔到錢，更少人置業。

沽空比率

同業沽空比率最高，齊齊參與遊戲，幫手沽貨。

升幅相對恆指較高，收錢穩陣啲！