今日做咗個小操作：將 **6月12日以 $11.85 買入嘅國泰（293）全數沽出**，成交價 $13.09。 雖然今日收市升到 $13.21，理論上每股收少咗錢 $0.12，不過做人唔好咁貪心 ; 邊有可能次次賣到最高位㗎？留返啲水位畀其他高手賺，大家開心。
我沽嘅只係當日嗰批貨，手頭上仲有其他今年入手嘅國泰，所以唔係清倉，只係想將部分利潤先袋為安。資金靈活啲，瞓覺都甜啲 💤
持貨一個月，帳面有10.46%，食少少糊，留返啲水位俾人，自己袋住先最實際 😄
如果繼續揸住等中期息（假設派息同往年一樣是 $0.2 ; 今天收市價計只有 1.5%），估計最快都要 10 月 9 日先有錢落袋，與其等幾個月，不如先套現一注，等有靚位再慢慢補返。講求資金靈活度，按百分比計，決定還是先將部分利潤「落袋為安」。
睇後市發展，隨緣買賣!
心態，賺到嘅叫緣分，賺唔到嘅當交學費。少少收穫，已經好滿足。
利申. 持有國泰航空
(免責聲明：以上純屬個人網誌分享，不構成任何投資建議。投資有風險，入市需謹慎！)
仲有幾多貨？今日沽完嗰批之後，用「四捨五入嘅門檻」都企唔住發行量的0.001%喇，換句話講，「散戶中的老散」，哈哈。
No comments:
Post a Comment