盈富基金 - 收息

八月尾減持手上三分之二盈富基金，因此盈富未期股息只是往年的同期的三份一，出售所得資金已分散到14隻不同的股票（當中港交所及友邦保險已經沽出，略有微利！），期望這批貨長線有所增長 , 息率相對盈富基金較好．

港交所 - 沽

今早港交所高位見$324，轉頭落返$316，前收市價$306，掛$320，上午收市前5分鐘沽出。

九月初平均入貨價＄303.133，計埋每股有$16.8，帳面5.56%，前後兩個月，袋返二萬多少少。

是但啦…係你嘅，就係你，做人唔好咁貪心！

其實11月初，低位有想過賣走部份恒生換港交所，但記不起為何沒有執行？

資料來源

EJFQ

大摩買賣港交所就賺好多。

上升空間已經不是太多。

三個月圖，低位$208，高位$324。

匯豐，每股分得幾多？

滙控出售加拿大業務，同時計劃派特別息增回購。

匯控已發行股本20,293,545,340股，根據明報報道預期獲利$44,500,000,000

即如果全數作特別息派發，每股約有港幣$2.193。

匯控一手400股，每手約有$877特別息。

資料來源

https://www1.hkexnews.hk/listedco/listconews/sehk/2022/1129/2022112901104.pdf

損失 20%， 30% ，40%

2016年購入天鑄，2022淪為年銀主盤，帳面損失20%

4伙銀主盤叫價共1.47億　較購入價低兩成

除上述單位淪為銀主盤外，其餘3伙銀主盤分佈在天鑄6座中層D室、7座低層D室及7座高層D室，實用面積介乎800至1,479平方呎，叫價介乎2,100萬至5,380萬元。該批銀主物業由該名投資者或相關人士持有。

綜合上述4伙銀主物業，由該名投資者或相關人士於數年前買入，合共買入價約1.84億元。以目前銀主叫價逾1.47億元計，帳面低約20%。

根據報道最早一單位2016年購入，今日變成銀主盤，業主原本資金可能已經無晒。

原文網址: 何文田天鑄新增4伙銀主盤　最多涉17按　總叫價1.47億https://www.hk01.com/article/840227?

假設2016年高位購入中電，2022年十一月尾帳面損失30%

中電控股(00002)

如果同一時期，20216年9月9日購入中電（全年高價$81），本星期五收市價$57.05，帳面損失29.56%。，未有計算多年派息所得。

同樣2016年高位購入盈富基金，2022年十一月尾帳面損失40%

盈富基金(02800)

2016年9月8日盈富基金高位$24.6，本星期五收市價＄17.53，每股損失$7.07，帳面損失40.33%，同樣未計多年派息所得。

可惜2016年買乜嘢到今日都輸錢，分別只是輸多輸少！

如果中間有買有賣會否輸少啲？

財富管理…另類承傳

兩個財富承傳方案。

一個是真實個案，另一則是笑話。

第一個是從朋友口中聽聞的真實個案。

一位母親做生意賺到一點錢，她有三個兒子，母親退休後買咗三個單位分給三位兒子居住, 但三個兄弟所住的單位不是自己擁有也不是母親擁有。

大哥所住單位是屬於二弟，二弟所住單位是屬於三弟，三弟所住單位是屬於大哥。

這樣任何一位兒子也不可能私自出售單位，然後取母親的辛苦搵返嚟啲錢去移民。

另外笑話一則...

富翁 :  「律師, 醫生通知我只淨返幾天 ！」

律師 : 「不要這樣說, 你肯定能長命百歲」

富翁 : 「別說廢話，我要立遺囑」

律師 : 「好, 你心目中財產的分配方式和受益人姓名」

富翁 : 「把我的總資產十億,平均分成二十份」

律師 : 「好，請給我受益人姓名」

富翁 : 「每年清明節, 把所有權承繼家產資格的人叫到我墳前, 然後抽獎, 一年抽一份」

最後如閣下已累積有一定財富，正常情況之下，餘生未必用得晒的話，有時間就真係要同另一半討論吓日後應該點樣去做？  

例如幾多給慈善機構？ 幾多給兒女們？什麼時候交出指揮權？兒女們又應該用什麼投資理念去運用那些資金？ 萬一要錢周轉在電話上的識別暗語（避免詐騙），是否要找銀行成立信托…等等。

將你的想法和人生經驗和兒女們分享，教識他們不要做二世祖，不要成為社會的負累，家中凡事親力親為，對任何人都一定要有禮貌和尊重…好讓他們過一個豐盛而無悔的人生！

另外兒女的另外一半對他們影響可能很大，雖然「好兒不如好媳婦，好女不如好女婿」，如果發現唔對路，就要小心啲！

古語有云，親生仔不及近身錢，雖然錢帶唔走，一定要留返啲錢傍身。

人保(01339) - 沽 (家常小炒系列)

今早上午沽出中國人民保險集團(01339)  -  家常小炒系列

入。16-June-2022    $2.56

沽。24-Nov-2022    $2.51

計買賣價，每股損失$0.04，老散輸錢好正常😹

息。29-Jul-2022      $0.181

七月尾派息，收取每股$0.181🤔

每股有利潤＄0.131，計計埋埋有少少錢賺，執返一身彩🤪

 ($2.56-$2.51+$0.181= $0.131)

一買一賣前後161日，如以定期計算，即年利率11.6%。

收咗錢先，然後慢慢再諗吓買乜嘢？

資料來源

EJFQ

升得太急，六個月高位，收錢。

其他指數也偏高。

領展 - 衰起上嚟頭頭碰著黑

 公司同人一樣, 衰起上嚟頭頭碰著黑．

• (領展 - 今回見到人哋媽咪叫聲＂百無＂。) 發行33億元可轉換債券，收市挫4.7%，六連跌，包尾藍籌。

領展（00823  ）今年8月以7.66億元中標觀塘安達臣道對出商業地，樓面呎價約5501元

觀塘安達臣道第二幅商業地，新地(00016)成功以2.96億元投得 每方呎樓面地價僅約2,684元，相比較8月底領展的毗鄰同類地皮呎價約5,501元，不足3個月勁跌約51.2%。

領展有入標,  不過唔中, 即係第日要同新鴻基爭生意, 他日落成之後不可以有效控制安達臣道的商戶組合及整體租金水平．

利申, 持有領展及新鴻基．

領展 - 今回見到人哋媽咪叫聲＂百無＂。

昨晚見到領展港交所通告，領展發行於2027年到期之有擔保可轉換債.

做乜又問人借錢？

重點如下：

交割日期預期為2022年12月12日

到 期 日： 自 發 行 日 期 起 計 滿 五 年  

我應承你，2027年聖誕節之前還錢。

總 佣 金（即 債 券 本 金 額 的 0.75%）

2千4百75萬佣金（疊馬仔搵食要抽水）。

可能提高基金單位的交易流動性：於 債 券 悉 數 轉 換 時 將 予 發 行 的 新 基 金 單 位可將已發行基金單位的數目最多增加約6,460萬，該 數 目(a)將目前已發行基金單位總數增加約3.1%；及(b)將透過轉換而擴大的已發行基金單位數目增加約3.0%。

五年後可能又溝稀咗，即係比例上分少咗！

債券將按面值為2,000,000港元及其超出部分以1,000,000港 元 之 完 整 倍 數 登 記 形 式 發 行

最少2,000,000流動資金先有交易，我荷包$200都冇！

分散資金來源及擴大投資者基礎：除 發 行 人（前 稱Link 2019 CB Limited）於2019年4月已發行於2024年到期的40億港元1.60%可轉換債券（「2024年可轉換債 券」）外，領 展 房 產 基 金 過 往未 曾 發 行 任 何 其 他 可 轉 換 債 券。

2019 年借錢利息1.6%，2022 年借錢利息4.5%，今次利息貴，借少啲（借少7億）

利 息： 債 券 的 利 息 將 按 參 考 範 圍 每 年4.0%至4.5%釐定之息 率 計 算，且 每 季 度 支 付 初 步 轉 換 價： 每 基 金 單 位61.92港 元

估算五年後轉基金單位價值$61.92 , 暫時上午低位$51.1，如五年後見61.92，回報率21.17％，簡單啲除返5，每年平均利息4.234%.

真PK寫完睇睇，低位計，又唔見一蚊，今回下晝連粥水都冇埋！

領展利息支出同第一次發行有擔保可換債計數，借少咗七億，利息支出每年多咗八千多萬，這些新債五年利息支出共四億二千多萬，要加幾多租先至補番呢條數？

睇完通告🤯，計完條數😱，心裏面即刻大叫＂伯母(百無)＂…🤬

冇所謂啦，羊毛出自羊身上，市場有起有跌，其實最緊要領展租戶搵到錢，租戶準時交租，下期租約尺價可以向上調整，作為一個小股東，最緊要依時依候派息夠俾我買碗迷你叉燒飯過活！

資料來源

https://www1.hkexnews.hk/listedco/listconews/sehk/2022/1122/2022112200337_c.pdf