兩個財富承傳方案。
一個是真實個案，另一則是笑話。
第一個是從朋友口中聽聞的真實個案。
一位母親做生意賺到一點錢，她有三個兒子，母親退休後買咗三個單位分給三位兒子居住, 但三個兄弟所住的單位不是自己擁有也不是母親擁有。
大哥所住單位是屬於二弟，二弟所住單位是屬於三弟，三弟所住單位是屬於大哥。
這樣任何一位兒子也不可能私自出售單位，然後取母親的辛苦搵返嚟啲錢去移民。
另外笑話一則...
富翁 : 「律師, 醫生通知我只淨返幾天 ！」
律師 : 「不要這樣說, 你肯定能長命百歲」
富翁 : 「別說廢話，我要立遺囑」
律師 : 「好, 你心目中財產的分配方式和受益人姓名」
富翁 : 「把我的總資產十億,平均分成二十份」
律師 : 「好，請給我受益人姓名」
富翁 : 「每年清明節, 把所有權承繼家產資格的人叫到我墳前, 然後抽獎, 一年抽一份」
最後如閣下已累積有一定財富，正常情況之下，餘生未必用得晒的話，有時間就真係要同另一半討論吓日後應該點樣去做？
例如幾多給慈善機構？ 幾多給兒女們？什麼時候交出指揮權？兒女們又應該用什麼投資理念去運用那些資金？ 萬一要錢周轉在電話上的識別暗語（避免詐騙），是否要找銀行成立信托…等等。
將你的想法和人生經驗和兒女們分享，教識他們不要做二世祖，不要成為社會的負累，家中凡事親力親為，對任何人都一定要有禮貌和尊重…好讓他們過一個豐盛而無悔的人生！
另外兒女的另外一半對他們影響可能很大，雖然「好兒不如好媳婦，好女不如好女婿」，如果發現唔對路，就要小心啲！
古語有云，親生仔不及近身錢，雖然錢帶唔走，一定要留返啲錢傍身。
最近反而突然想到一個技術問題, 如果大吉利是, 因為健康問題而不能操作金錢 (如中風, 有情況係會簽唔到名或忘記密碼), 咁點樣可以令到呢錢去到適切治療? 其實家屬未必有誘因去幫手比錢
ReplyDelete師兄我的愚見認為最好大部份有穩定派息的股票實名擁有，派息直接入銀行戶口，兒女們為該銀行戶口授權人士，萬一暈低，起碼佢哋知道依時依候有現金收入可以動用。 實物股票冇你簽名又賣唔出，做個普通小手術你都唔使擔心瞓醒乜都唔見晒。
ReplyDelete就算有朝一日要住老人院，行動不便，他們可以繼續從該戶口取錢繳交有關費用，每季應該收幾多派息非常之清楚。 如果他們不孝取消銀行戶口，就連每季派息的錢也收不到，應該唔會咁蠢！
百年歸老之後，他們也不需急於做任何動作，照樣有派息的收入照顧你的另一半。 我們這一輩完成人生旅程之後，他們再去申領有關股票然後再轉到他們名下。
有朝一日大家都會遇到同樣問題，歡迎其他師兄師姐提議另類方案，不勝感激。
謝謝分享, 其實反而關心個技術問題
Delete如果大吉利是自己無法處理比錢時, 家族人丁單薄, 單身無兒女 (呢個係今時今日係非常常見既), 真係唔知點算
古時人丁單薄=今日單身貴族．
ReplyDelete最好當然死前洗曬啲錢 , 盡量享受人生之旅．
最驚洗曬啲錢都未死....仲飲得食得,行得走得😅
失去自理能力就簡單好多...等夠鐘😇!
多謝留言...祝身體健康🙏