其中一位仇人中學畢業 ，畢業禮之後問主角想吃什麼午飯？
以為去添仔(Tim Hortons)或麥記(McDonalds)搞掂，頂多去飲茶.
點知佢話想去那地方食龍蝦 ，心想應該夠錢找數 (佢同我荷包有仇).
唯有用灑脫人生的態度「今天有酒今朝醉 , 明日愁來明日愁」，活在當下 ，食咗先算.
平日下午魚樂軒不需要訂位 ，晚上如無訂位不要前往, (冇位機會很大)，如果冇一定水準 , 某些貴客都唔會揸 3- 4 個鐘頭車從美國過來食一餐.
入去見到漁夫揸住隻龍蝦 ，唔使問阿貴都知道是食海鮮地點.
這地方2009年9月18日開業.
魚缸背後
右手邊的魚缸放滿龍蝦.
酒櫃内好多不同種類名酒.
避風塘皇帝蟹餐 6-7位 用.
首先捉兩隻上來畀你睇下啱唔啱？
睇啱，同佢拍生前照片留念.
下午冇靚例湯，粟米羹鹹咗少少，晚上的例湯通常是燉湯，記憶中味道也不錯.
蜜椒金蠔
蜜椒金蠔
蒜香牛柳粒
美極龍蝦
避風塘皇帝蟹
(金字塔型上枱 , 似玩層層疊 )
龍蝦糕炒飯
清蒸青斑
甜品
阿拉丁茶壺 ， 可惜燈神放假 , 冇出嚟打招呼 , 問唔到冧巴給大家.
水枱刀工一流，蟹腳全部已長形中間破開 , 龍蝦斬到每件一吋多少少 ，方便入口，每次來吃也不需要用鉗. 因為是下午沒有這麼繁忙 ，埋單同經理吹水，他說晚上有十張水枱，負責海鮮斬件.
埋單
通常埋單會貴少少 ，因為海鮮超重收費.
套餐$599 ， 海鮮重咗少少 , 埋單 $697.3 , 再加12%服務費 , 找數加幣 $781.20 大約港紙 $4500.00 , 西貢/鯉魚門未必食到這質量(今天條魚就差少少).
CASH is King
美金世界通行(DON'T LEAVE HOME WITHOUT IT?)
碌卡免問.
MENU. 以下是其他菜單.
酒類選擇豐富.
古來聖言佳寂寞，唯有飲者留其名.
但小學🐣，今天不寂寞，也不會飲酒，那些香檳/路易十三/茅台美酒就等各位下次來品嚐.
重注咗美股七雄的師兄師姐們去魚樂軒開以上幾支美酒慶祝時，如小學🐣在多倫多又收到通知，一定來黐餐黐飲 (希望不要介意).
人生得意須盡歡，莫使金樽空對月.
No comments:
Post a Comment