以下是純粹個人意見(不是任何投資建議), 我知道一定得罪好多人, 請大家高抬貴手, 唔好攞支狼牙棒出嚟不停地打．
(領展話要供股, 我畀佢嚇到屎尿區來!)
明天星期一,供股權買賣幾天前已經塵埃落定, 3月21日下午4時是最後供股限期．
根據觀察所得,大部分股東是選擇供股(同一時間鬧爆管理層)．
平心而論, 做生意冇話包賺錢, 亦都冇話一定蝕本．
(即係冇包生仔這回事)．
教科書上話買美債最穩陣,唔使死, 但等錢洗再加埋息口轉變, 一樣死．
早幾年匯豐控股無派息, 匯控股東連穀種都冇得食, 相對更加淒涼．
領展於2005年11月25日在香港交易所上市, 年數計共 18年(2023-2005)．
假設18年前買咗樓, 住低層, 但18年後, 天台漏水/大廈電梯又要夾錢維修(公契是公共地方, 大家都有份), 一定有啲唔開心．
18年來, 年年交足管理費, 點解又要額外畀錢?
(我住一樓,天台漏水關我屁事 / 住一樓,我都唔用電梯,點解要夾錢?)
但樓價已較十八年前升咗好多．為咗保值唯有夾錢維修．當然有户主高價接貨, 現時"蝕本"極之唔開心(負資產), 但唔關其他業主事．
如果住得唔開心, 認為環境變差, 應該找環境更好的地方居住(良禽擇木而棲)．暫時搵唔到其他更好的居所, 唯有夾錢維修, 繼續住落去．
講咗咁多廢話...事實我騎虎難下......
我會供股!
會否額外供股?
根據董事會2023年03月06日函件第22頁
<按於記錄日期每持有五(5) 個基金單位可獲配發一(1) 個供股基金單位之基準以認購價為每個供股基金單位44.20 港元進行供股>
(Vii)
每個基金單位的經審核資產淨值約77.1港元.....折讓42.7%．
六折買磚頭, 搏得過!
(X)
基金單位於最後實際可行日期在聯交所所報之收市價每個基金單位51.6港元折讓14.39%.
股價上14.39%折讓．輸錢機率相對少．
根據有關文件第38頁
管理人將會按照公平公正之基準呈分配額外供股基金單位...原則...
何謂之公平公正基準?
即係話, 信佢, 冇呃你!
於可行情況下盡量符合每份申請看下所申請額外供股基金單位數目比例.
不會優先處理碎股/不會考慮原本所持股份．
我的理解是...邊個有錢邊個惡, 假設只有兩個股東申請額外供股, 貝萊德認購一百萬手, 閣下認購十手, 因有多餘的基金單位按額外供股比例分配． 即係貝萊德分1000股你只分得1股．
最後日期3月21日(星期二)交票, 退票寄出日子3月29日(星期三), 假設3月30日收到支票(趕得切入銀行計), 最快3月31日下午三時後可以再次動用該筆資金．
帳面上損失只是十天的利息．
可能只分得一股(唔介意碎股) 或者原銀奉還．
領展每股 $42.2 會否額外供股?
我會額外供股!
No comments:
Post a Comment